Nýjasta hönnun Ingu Elínar er minimalísk lína úr svörtu postulíni en í þessari tímalausu hönnun má finna fjórar stærðir af Veltibollum, þar sem náttúrulegi litur postulínsins fær að njóta sín.

Verkin eru mótuð úr fyrsta flokks postulíni og er efri hluti bollans glerjaður, sem finnst í sléttri áferð hans á móts við bylgjóttan neðri hluta hans. Athugið að öll eintök eru hábrennd úr fínasta postulíni sem völ er á og þola því vel uppþvottavélar og örbylgjuofna, nema þau verk sem máluð eru með 24 karata gyllingu.

Minnsta stærðin er tilvalin fyrir espresso, en miðstærðin fyrir macchiato, doppio eða aðra smærri kaffidrykki. Hefðbundna stærðin hentar vel fyrir uppáhellt kaffi og cappuccino á meðan stóru bollarnir eru fullkomnir fyrir te, latte, kakó eða jafnvel kokteila.

Inga Elín hóf feril sinn aðeins tólf ára gömul og hefur frá unga aldri tileinkað lífi sínu listinni. Ástríða hennar á keramik hófst í Myndlistaskóla Reykjavíkur og elti hún draum sinn um að verða listamaður og hönnuður í Listaháskóla Íslands. Þaðan var förinni heitið til Kaupmannahafnar þar sem hún stundaði nám við Skolen for Brugskunst sem er betur þekktur í dag sem Denmark Design. Hún fékk verðlaun Danadrottningar fyrir lokaverkefni sitt við skólann þar sem hún hannaði og framleiddi línur af keramik og glerglösum.

Bollar og könnur

Flokkun

Bollar minimalíska línan svartur